Vietnam yanasa pembe za ndovu kutoka Kenya

Pembe za ndovu

Maafisa wa forodha wa Vitenam wamenasa karibu tani moja ya pembe za ndovu zilizokuwa zimefichwa katika shehena ya mbao kutoka Kenya.

Hii ni mara ya tatu kwa nchi hiyo kunasa pembe hizo zilizopigwa marufuku katika kipindi cha chini ya mwezi mmoja.

Taifa hilo la kikomunisti ni kituo maarufu kinachotumiwa katika usafirishaji wa pembe za tembo kutoka Afrika kuelekea maeneo mengine ya Asia, hasa China, ambako zinatumika kwa urembeshaji na kwa ajili ya kutengeneza dawa.

Bidhaa zinazotengenezwa na pembe za ndovu pia ni maarufu Vietnam ingawa biashara hiyo kisheria imepigwa marufuku.

Source: Eatv