Ahukumiwa kifungo kwa kuchana karatasi za uchaguzi wa Serikali za Mitaa

Dar es Salaam. Mkazi wa Vingunguti kwa Kombo, Ally Hussein (34) amehukumiwa kifungo cha  miezi sita jela au kulipa faini ya Sh30,000 baada ya kupatikana na hatia ya kuchana karatasi 23 za uchaguzi wa wenyeviti wa Serikali za mitaa uliofanyika Desemba 21, 2014.

Hussein ambaye ni mfanyabiashara alihukumiwa kifungo hicho katika Mahakama ya Wilaya ya Ilala jana, kwa kuchana karatasi hizo kwa makusudi jambo lililosababisha kuvuruga uchaguzi, huku akijua kufanya hivyo ni kinyume na sheria.

Mshtakiwa alichana karatasi ambazo tayari zilikuwa zimeshapigiwa kura na wananchi katika uchaguzi wa kuwapata wenyeviti wa mitaa.

Akisoma hukumu, Hakimu Mkazi, Adolf Sachore alisema ameridhishwa na ushahidi wa mashahidi wanane.

VIDEO: Hii Ndio Top 10 ya Watu warefu Duniani