Mahakama nchini Kenya imewahukumu Waziri wa Mambo ya Ndani Fred Matiang'i, Mkuu wa Uhamiaji Gordon Kihalangwa na Mkuu wa Jeshi la Polisi, IGP Joseph Boinnet kulipa faini ya shilingi za Kenya 200,000 (Sh4.4m) kwa kosa la kuidharau Mahakama.
Jaji George Odunga aliwaamuru maafisa hao waandamizi wa serikali kufika Mahakamani siku ya Jumatano, kwa ajili ya kuhukumiwa, baada ya kutiwa hatiani kwa kudharau Mahakama baada ya kukaidi amri ya kumuachia mwanasiasa wa upinzani Miguna Miguna.
Jaji Odunga ameagiza pesa hizo zikatwe kwenye mishahara yao.
