Kamati ya Bunge masuala ya UKIMWI na Dawa za Kulevya watoa neno

Kamati ya Bunge inayoshughulika na masuala ya UKIMWI na Dawa za Kulevya imetembelea Kitengo cha kutolea dawa za kufubaza Virusi vya UKIMWI (CTC) katika Hospitali ya Wilaya ya Ubungo, Sinza, kujionea hali ya utoaji huduma.

Katika ziara hiyo Mwenyekiti wa kamati hiyo Oscar Mukasa amesema suala la upatikanaji wa dawa za kufubaza virusi vya ukimwi ni jambo la kitaifa na kamati yake inakakati wa kuhakikisha kwamba inaongeza nguvu kwenye mfuko wa Taifa wa Ukimwi na kuweza kujitegea kama nchi kuhusu masuala ya ya Ukimwi.

“Tuna haja ya kujipanga wenyewe kuhakikisha kwamba tunajitegema wenyewe na ule utegemezi wa fedha za wadau za mapambano ya Ukimwi unaweza kupungua” amesema Mhe. Mukasa.