Klabu ya Manchester United itashuka dimbani tena kesho kutupa karata yake ya mwisho katika kusaka nafasi ya kucheza hatua ya robo fainali dhidi ya PSG katika ligi ya mabingwa barani Ulaya.
Manchester United inashuka katika dimba la Parc Des Princes hapo bila wachezaji wake 10 huku 9 kati ya hao wakiwa na majeraha na mmoja akiukosa mchezo kutokana na kadi nyekundu.
Wachezaji watakao ukosa mchezo huo kutokana na majeraha ni Antonio Valencia, Matteo Darmian, Alexis Sanchez, Juan Mata, Ander Herrera, Nemanja Matic, Phil Jones, Anthony Martial, na Jesse Lingard.
Hata hivyo Poul Pogba akiukosa mchezo huo kutokana na kadi nyekundu. PSG wao wataendelea kuwakosa washambuliajiwao wawili, Edinson Cavan pamoja na Neymar Da Silva Jr kutokana na majeraha
