Na Thabit hamidu,Zanzibar.
Taasisi ya Utafiti Kizimbani Zanzibar imewataka wakulima Nchini kulima zao la viazi lishe ambalo lina faida kubwa kwa wakulima na walaji.
Akizungumza katika Ziara ya kukagua mbegu bora zilizofanyiwa utafiti na Taasisi hiyo, Mtafiti Mkuu wa Mazao ya Mizizi Bi. Salma Omari Muhammed alisema zao la viazi lishe ni moja ya mazao ambayo yametajwa kuwa na faida kubwa kwa wakulima na hata walaji.
“Tumefanya utafiti kwa takribani miaka miwili na kubaini kuwa zao la viazi lishe linafaida kubwa kwa wakulima ambpo zao hilo hustahamili hali ya hewa, maradhi na ukame. Viazi hivi kama jina lake viazi lishe vinakiwango kikubwa cha vitamin A na nashauri wakina mama wajawaito na watoto watumie kwa wingi katika kustawisha afya zao,” alisem Bi. Salma.
Kwa upande wa mkulima mbaye mara baada ya kukamilika kwa utafiti huo alianza kulma zao hilo, Bi. Mwanahidi Makame Mzee alisema tokea anze kulima zao hilo hali yake imebadilika kutokanana kuwa na soko la uhakika, huki akiwaomba wakulima kulima zao la viazi lishe ambavyo vina rangi ya njano kutokana kuwa na soko.
