Na Clonel Mwegendao.
Mwenyekiti wa Chama cha Mapinduzi (CCM) Wilaya ya Tarime Daudi Marwa Ngicho ametoa mchango wa mifuko ya saruji 50 na mabati yenye thamani ya fedha kiasi cha shilingi milioni tano 5,000,000/= katika ujenzi wa nyumba za polisi unaoendelea katika eneo la Nyandoto ili kufanikisha utendaji kazi wa polisi hao huku akidai kuwa ni jukumu la Chama na Viongozi hao kuhakikisha Serikali inakuwa na miundombinu safi kulingana na hali inakavyoruhusu.
Akikabidhi mifuko hiyo kwa Kamanda wa Polisi Mkoa wa kipolisi Tarime Rorya Daudi Marwa Ngicho amesema kuwa ameamua kufanya hivyo ili kuunga juhudi za Rais wa jamhuri ya nuungano wa Tanzania katika kutekeleza wa ilani ya chama cha mapinduzi na kuimarisha usalama wa raia ambapo ameongeza kuwa atakuwa tayari kutoa ushirikiano pale ambapo itahitajika ili kuhakikisha watumishi wanakaa sehemu nzuri na kufanya shughuli zao kwa ufasaha
Aidha Ngicho amempongeza mkuu wa Wilaya ya Tarime Charles Kabeho kwa kushughulikia upatikanaji wa eneo na kujenga majengo kwa uharaka na kumuomba kuendelea na uchapakazi huo kama alivyoonyesha juhudi za dhati katika ujenzi wa majengo hayo huku akimpongeza kamishna msaidizi mwandamizi wa jeshi la polisi kanda maalumu Tarime na Rorya Henry Mwabambe kwa kutekeleza majukumu yake kwa ueledi mkubwa
“wamepita makamanda wengi hapa lakini haijawahi kutokea ujenzi huu mkubwa wa nyumba za polisi hivyo sina budi kuwapongeza sana maana mmefanya kitu kikubwa “ Alisema Marwa
Naye Mkuu wa Wilaya ya Tarime Charles Kabeho amesema kuwa jambo hilo lililofanywa na kiongozi huyo wa Chama cha Mapinduzi liwe mfano kwa wadau na viongozi wengine katika kutekeleza maendeleo ya nchi jambo ambalo litasaidia ukuaji wa haraka katika Nyanja mbali mbali za kisiasa , kiuchumi na kijamii.
Hata hivyo Henry mwabambe ambaye ni kamishna msaidizi mwandamizi wa jeshi la polisi kanda maalumu Tarime na Rorya ameshukuru kwa mchango huo na kuweka bayana mchango mkubwa anaotoa kiongozi huyo wa CCM katika kusadia ujenzi wa nyumba za trafiki na mambo mbalimali kama vile utatuzi wa matatizo yanayojitokeza katika usafiri.
“Huyu ni mdau wetu wa muhimu na siyo wa leo tu amekuwa akishirikana na sisi katika mambo mbalimbali “Alisema Mwambambe.
Katika ujenzi huo kamanda huyo hutafuta wadau waelevu katika kusaidia maendeleo ya utekelezaji wa miradi mbalimbali ili kufanikisha kazi hizo kutokana na baadhi ya vifaa vya ujenzi kuwa ghari kulingana na mazingira hayo kuwa ya mpakani pia katika ujenzi huo mheshimiwa raisi wa jamhuri ya muungano wa Tanzania ametoa kiasi cha shilingi milioni miamoja hamsini kukamilisha ujenzi huo wa majengo sita.
