Matenki hayo yaliyosambazwa nchi nzima kwa maana ya Tanzania Bara na upande wa Visiwani, Bara yamepatiwa matenki 1000 katika taasisi za Serikali, taasisi binafsi 500 wakati Tanzania Visiwani wakinufaika na matenki 500.
Hayo yamebainishwa na Msaidizi wa Mkurugenzi Mtendaji wa Kampuni ya Aboubakary Mlawa, akizungumza na Waandishi wa habari mara baada ya kumkabidhi Mkuu wa wilaya ya Bagamoyo Mkoa wa Pwani Zainab Kawawa, matenki 17 kwa ajili ya shule za Sekondari na Vyuo wilayani hapa.
Alisema kuwa baada ya janga la ugonjwa huo waliwasiliana na Serikali kupitia ofisi ya Waziri Mkuu, ili Kampuni iweze kuyatengeneza matenki hayo kisha kusambaza katika maeneo hayo, zikiwemo na ndoo za maji tiririka, mabeseni pamoja na sabuni.
"Kampuni yetu imekuwa wadau wakibwa wa Serikali katika kusaidia nyanja mbalimbali, mara kadhaa tumekuwa mstari wa mbele kusaida katika majanga na miradi ya kimaendeleo nasi pasipo ajizi tunaungana katika masuala husika," alisema Mlawa.
Akizungumza baada kupokea matenki hayo, Kawawa alianza kuushukuru uongozj wa Kampuni hiyo kwa ushirikiano mkubwa wanaoupata kutokea kwenye ofisi hizo, ambapo imekuwa na msaada mkubwa katika shughuli tofauti za kimaendeleo.
"Kwaniaba ya Mkuu wa Mkoa wa Pwani tunamshukiru Mkurugenzi Mtendaji Subhash Patel kwa ushirikiano mkubwa tunaoendelea kuupata kutoka kwake kupitia Kampuni yake, mara kadhaa amekuwa nasi katika kupambana na chaangamoro zinazotukabili," alisema Kawawa.
Aliongeza kwamba baada ya kuwepo kwa ugonjwa huo wa Corona, walimwandikia barua Mkurugenzi Patel wakimuomba msaada wa matenki hayo yatayosambazwa kwenye shule na vyuo, malengo makubwa yakiwa kupambana na ugonjwa huo.
Akitoa shukrani kwa niaba ya walimu wa shule za sekondari kidato cha tano na sita pamoja na vyuo, Mwalimu Victoria Kesi Kaimu Mkuu wa Chuo Cha Uktubi na Uhifadhi wa nyaraka alianza kuishukuru ofisi ya Mkuu wa wilaya kwa juhudi zake, sanjali na uongozi wa Mamba Cementi kwa msaada huo.
