Na Hamisi Nasiri, Masasi.
Chama Cha Wananchi( CUF) Wilaya ya Masasi mkoani Mtwara hii leo kinafanya mkutano mkuu wa uchaguzi wa kura za maoni unaolenga kuwapata wagombea wake watatu wa nafasi ya ubunge katika majimbo ya Masasi mjini, Ndanda na Lulindi pamoja jina moja la atakayeomba nafasi ya viti maalumu.
Chama hicho kitachagua wagombea watatu ambao watapeperusha bendera ya Chama hicho katika majimbo hayo.
Wagombea hao watashindana na vyama vingine katika uchaguzi mkuu wa 2020 utakaofanyika mwezi oktoba.
Katibu wa Chama hicho, Hassan Chariche amesema atatangaza majina hayo ya wagombea baadae Mara baada ya uchaguzi huo kumalizika.
