Uongozi wa Timu ya Fountain Gate umemteua Nickson Sawe kuwa Mkurugenzi wa Mashabiki wa timu hiyo Nchi nzima ambapo awali alikuwa Msemaji wa tawi la mashabiki wa fountain Gate FC (Royal fans Babati)
Akitangaza uteuzi huo msemaji wa timu ya fountain Gate FC Issa Mbuzi amesema baraka za uteuzi huo zimetolewa na C.E.O wa timu Thabitha Kidawa
Mwenyekiti wa tawi la Mashabiki wa Fountain Gate royal fans Babati Emmanuel Hondi na Makamu mwenyekiti Nana Mndeme wamesema ni furaha kwao kuona matokeo ya kile wanachokifanya kwa kujitolea kwa ajili ya timu yao.
"Naushukuru Sana uongozi mzima wa Fountain Gate kwa kuniona nafaa kuingia kwenye familia yao, kiukweli sijawahi kuwaza kama nitapata nafasi kama hii " alisema Sawe
Mkurugenzi wa Mashabiki Nickson Sawe amesema ni nafasi yake kuonyesha ambacho anaweza kukifanya akiwa katika tasnia ya mpira wa miguu na kwamba hakuwaza siku moja atapata ajira ya kudumu ndani ya timu hiyo.
Hata hivyo ameahidi kufanya kazi hiyo kwa juhudi kubwa ili kila kona ya nchi iitambue fountain gate na kupata mashabiki wapya.
0 Comments