Chombo cha anga cha SpaceX kilichokuwa na wafanyakazi wapya kimetia nanga katika Kituo cha Kimataifa cha Anga za Juu (ISS), kikifungua njia kwa wanaanga Butch Wilmore na Suni Williams kurejea nyumbani.
Wawili hao walipaswa kuwa kwenye ISS kwa siku nane pekee, lakini kwa sababu ya masuala ya kiufundi na chombo cha majaribio walichofikia, wamekuwa hapo kwa zaidi ya miezi tisa.
Wanaanga hao wanatarajiwa kuanza safari yao ya kurejea Duniani baadaye wiki hii. Steve Stich, meneja wa mpango wa wafanyakazi wa kibiashara wa Nasa alisema alifurahishwa na matarajio hayo.
"Butch na Suni wamefanya kazi kubwa na tunafurahi kuwarudisha," alisema.
Wanaanga hao, pamoja na wafanyakazi wenzao wa ISS, Nick Hague wa Nasa na mwanaanga wa Roscosmos Aleksandr Gorbunov, watafarijiwa na wanaanga wanne, kutoka Urusi, Japan na wawili kutoka Marekani.
Kutakuwa na makabidhiano ya siku mbili ambapo wafanyakazi wa zamani wanatarajiwa kuanza safari yao ya kurejea duniani.
Lakini kunaweza kuwa na ucheleweshaji kiasi, wanapongojea hali ya Dunia kuwa sawa kwa kuingia tena kwa usalama wa chombo kinachorudi, kulingana na Dana Weigel, meneja, wa mpango wa ISS.
Bi Weigel alieleza kuwa wanaanga hao walikuwa wameanza kujitayarisha kwa ajili ya makabidhiano hayo wiki jana.
0 Comments