Naibu Waziri wa Maji na Umwagiliaji, Juma Aweso ametoa ushauri kwa Mbunge wa Kibamba, John Mnyika kwenda Jimboni kwake kuangalia ni mitaa ipi ambayo maji hayatoki na sio kumuuliza yeye.
Aweso ametoa kauli hiyo leo Bungeni jijini Dodoma ambapo amesema kuwa yuko tayari kwenda nae jimboni kwake akamuonyeshe kazi kubwa iliyofanywa na serikali.
"Noamba nimuhakikishie Mnyika kuwa serikali imefanya kazi kubwa sana na yeye anafahamu kabisa , huko nyuma kulikuwa na mgao mkubwa sana lakini sasa hivi kuna utekelezaji ndani ya asilimia 85 ya upatikanaji kwa jiji la Dar Es Salaam," alisema Aweso.
"Anasema taarifa tuliyoisema ni ya uongo, nisome kipengele cha B anataka kujua ni mitaa ipi katika jimbo la Kibamba ambalo maji hayatoki sasa kama Mbunge hujui ni mitaa ipi ya Jimbo lako ambayo inapata maji unawezaje kuniuliza Mh. Waziri kwa ushauri mdogo ni mshauri kaka yangu aende katika Jimbo lake aone kazi kubwa iliyofanywa na serikali."
