Wakati Watanzania wengi wakikwama kupata namba ya utambulisho wa Taifa kwa wakati, Mamlaka ya Vitambulisho vya Taifa (NIDA) imewarahisishia kwa kuweka utaratibu wa kuipata namba hiyo kwa njia ya mtandao.
Kwa mujibu wa taarifa iliyotolewa na Nida jana Jumatano Septemba 25, 2019 kupitia kitengo cha Mawasiliano na Hifadhi Hati imesema namba hiyo sasa imeanza kutolewa kupitia tovuti ya mamlaka hiyo na kumtaka muombaji kutembelea http://nida.go.tz/swahili/.
Taarifa hiyo ya Nida pia imebainisha kuwa huduma hiyo itawarahisishia waombaji wa vitambulisho vya Taifa kupata namba zao za Kitaifa bila kwenda ofisi za mamlaka hiyo baada ya kukamilisha taratibu zote.
